A Sociedade Xeral de Autores (SGAE) vén de presentar aos candidatos aos seus tradicionais Premios Max polos espectáculos teatrais estreados entre outubro de 2003 e setembro de 2004. Eduardo Alonso (por "Ensaio"), Vicente Montoro (por "Pallasos") e José Luís Prieto (por "Fobias") aspiran a conseguir o premio na categoría de mellor autor teatral en galego. En canto aos premios xerais, a pugna está entre "Eu Cladio" que acumula sete candidaturas e "Dona Rosiña a solteira" con cinco. Os vencedores saberanse o 14 de marzo na gala que acollerá o Teatro Auditorio Buero Vallejo de Guadalaxara.
Máis información en Galicia Hoxe e no web da SGAE
