O 2005 comeza moi musical. Tanto Brath como Milladoiro preparan respectivos álbumes para festexar o seu 25 aniversario. Os primeiros fano cun CD de novos temas, un libro disco e un recopilatorio “chill-out” e os segundos cunha escolma das súas pezas máis coñecidas acompañadas de artistas convidados. Pero hai máis, Luar na Lubre, Berrogüetto, Na Lúa e Mutenrohi están a piques de presentar novo disco. Os Diplomáticos, Uxía e Budiño están no disco que vén de editar o espazo de Radio 3 “Discópolis” co gallo da emisión do seu programa número cinco mil. Por último, como iniciativa local, “Quoruña” é un disco que recompila a música de 14 grupos coruñeses que forman parte da asociación “Pulso”.
Máis información sobre “Discópolis” en La Opinión, sobre as novidades discográficas en La Voz de Galicia e sobre Quoruña en El Ideal Gallego
