Cruzamos a ponte entre o ano vello que aínda se enxerga e un 2005 de estrea ao que xa nos afacemos. Elvira Riveiro comparte a súa inconfundible retranca gráfica nun “Inventario Indócil” de curso legal, propicio para o reenvío. De par dela, Fran Morell tráenos as máis interesantes novidades do mundo do cine e do cómic. Un mundo, que a pesar de tsunamis, seguirá a xirar, pero ao que lle faltará Will Eisner. Que estes días che sean propicios para lecturas tan boas como as do mestre e ata o luns.