O último Consello da Xunta estivo cargado de novidades para a lingua. En primeiro lugar, acordaron achegar 35 millóns para a nova edición do Diccionario da Real Academia Galega (RAG). Ademais, autorizouse a sinatura dun convenio de colaboración (entre a Consellería de Educación e Ordenación Universitaria e o ILGA, Insituto da Lingua Galega) que continuará co programa de investigación lingüistica cun novo volume do atlas lingüístico. Por úlitimo, aprobouse unha partida de 16 millóns (entre a consellería de Educación e a RAG) para un novo traballo de microlingüística.
Para o diccionario
A Real Academia Galega contará con 35 millóns de pesetas do goberno galego no seu proxecto de elaboración dun novo diccionario. Un plan que contará con 40.000 entregas e que elaborará, ó mesmo tempo, unha Gramática Galega. A Real Academia Galega é, segundo establece a lei de normalización lingüística, a encargada das cuestións relativas á normativa, actualización e uso correcto da lingua galega. O actual diccionario foi realizado polo Seminario de Lexicografía da RAG en 1997 e conta con 25.000 entradas.
Para o Atlas lingüístico
A Consellería de Educación e Ordenación Universitaria e o Insituto da Lingua Galega da Universidade de Santiago (ILGA) asinan hoxe un convenio de colaboración para continuar co programa de investigación lingüística ó longo do ano 2001. Este acordo, para o que o goberno galego achega 27 millóns, presenta no seu plan de traballo varios proxectos. En primeiro lugar, a elaboración dun novo volume do Atlas Lingüístico de Galicia, a preparación dunha base de datos informática e a elaboración dun diccionario de galego e coa edición electrónica dos diccionarios bilingües (galego-castelán).
e para a microlingüística
Ademais, a última actividade realizada en favor da lingua vén da man da Consellería de Educación e a Real Academia Galega para realizar un traballo de microlingüística. Un feito que pretende elaborar un mapa sociolingüístico para poder realizar medidas acordes cos sectores da Comunidade galega. Para este feito, o Consello da Xunta do pasado venres decidíu outorgar 16 millóns de pesetas.
