Achegámonos ao día do Samaín, coincidente con defuntos, e nesta celebración chea de encanto e misterio mesturamos os nosos ingredientes máxicos: sete folliñas de literatura e realidade en “Anxos de garda”; esencias de poesía visual con compromiso no “Inventario Indócil”; o aceite da fantasía e a imaxinación de “Os 7 fantásticos”; mestura de coñecemento e intelixencia do Encrucillado. Aproveitade esta máxica fórmula que vos proporcionará momentos de lecer e entretemento moi especiais e pasade ben as noites... se podedes.