Superman volve ás pantallas e Fran Morell desvélanos en primicia quen será o actor que se poña a capa vermella e as medias azuis en “Os 7 Fantásticos” a sección da ciencia ficción e a fantasía. Outra que volve é Anxos Sumai con “Anxos de garda”, a escritora segue escribindo nas nosas páxinas para ledicia do seu exército de seguidores o seu diario a cabalo entre a ficción e a realidade, entre a narrativa e a poesía. E outro tipo de poesía, neste caso visual é a que nos ofrece Elvira Riveiro en “Inventario Indócil” coa súa puntería de pistoleira da imaxe poética. Para completar o teu lecer resolve o Encrucillado de Paulino Novo, un pasatempo agradábel e pedagóxico para mentes espertas.