O proceso de catalogación e de dixitalización do arquivo Pacheco partirá de cero. Baixo esta premisa Lois Cea Nogueira, o acabado de nomear director do Arquivo Pacheco, anuncia os novos prazos e o proceso para organizar un arquivo que recolle a historia gráfica de Vigo entre 1900 e 1974. Nunha entrevista concedida ao Faro de Vigo, o director prevé que se precisarán catro anos para catalogar todo o arquivo e que o traballo feito até o momento a través dun servizo contratado polo Concello é posible que non se poida aproveitar.
Máis información no Faro de Vigo
