"Un diccionario é máis que un libro, é un símbolo na historia dun pobo". Deste xeito Antón Santamarina, o director do Instituto da Lingua Galega, abría o programa de actividades organizado polo Consello da Cultura Galega para celebrar o Día das Letras Galegas. Os actos continuan coa presentación ás sete da edición facsimilar do libro de poesía de Eladio Rodríguez, "Folerpas" e coa nova web do consello, www.consellodacultura.org, que se fará mañá, día 17.
Conferencia sobre lexicografía
O director do instituto da lingua galega, Antón Santamarina, foi o encargado de abrir o programa de actos. E fíxoo cunha conferencia titulada "Eladio Rodríguez, lexicógrafo", no que destacou a importacia do traballo de Eladio Rodríguez, a creación dun diccionario, sen o que non "existiría nin o Xerais, nin o Cumio, nin ningún outro diccionario galego que hoxe ten tanto éxito editorial". Santamarina destacou o coñecemento que Eladio Rodríguez tivo do léxico galego, ó que lle adicou toda a súa vida para a elaboración do "Diccionario enciclopédico gallego-castellano" e o escaso recoñecemento público que tivo.
Presentación do facsímil
Os actos organizados polo Consello da Cultura Galega continúan hoxe mércores ás sete coa presentación de "Folerpas"; unha edición facsímil do libro de poesías que Eladio Rodríguez publicou en 1894. Un acto que terá lugar ás sete e que irá acompañada da proxección do vídeo "Os mutis de Don Eladio. Palabras e silencios de Rodríguez González". Un filme elaborado por José Antonio Durán e que se centra na vida e na obra do lexicógrafo ourensán.
Consellodacultura.org
O propio día das Letras Galegas, o 17, terá lugar a presentación oficial da novo sitio web do Consello da Cultura Galega, e que se atopará no enderezo www.consellodacultura.org. Unha nova web asentada en dous piares claves, a libre distribución de contidos e a interactividade. Un deseño renovador para a institución, ampliada de contidos e que pon na rede á disposición de todo o mundo
