A arte galega estará a partir desta fin de semana en Sevilla por dous motivos distintos. Por unha banda, porque o IGAEM formará parte do Mercartes 2004, a primeira Feira das Artes Escénicas de Sevilla que reunirá a 2.000 profesionais relacionados coa oferta e coa demanda de espectáculos. E por outra banda porque Virxilio Vieitez forma parte da selecta nómina de artistas que completa a I Bienal Internacional de Arte Contemporánea de Sevilla. Un evento comisariado por Harald Szeemann e que abre as súas portas este domingo.
