O Camiño de Santiago segue de moda. Non só polo premio Príncipe de Asturias da Concordia, nin polo número crecente de visitantes neste ano Xacobeo, senón porque hoxe comeza un simposio internacional sobre os instrumentos medievais, "O Son da Pedra". O congreso está organizado polo catedrático de Música da USC, Carlos Villanueva quen deseñou un programa de 13 relatorios e tres mesas redondas para analizar os instrumentos musicais, desde a súa construción até as interpretacións iconolóxicas, históricas ou artísticas, e como se han de tratar para restauralos.
