O conflito laboral polo que están a pasar desde hai meses os traballadores da empresa de autobuses Castromil motivou a intervención poética das Redes Escarlata coa publicación dun libro colectivo de apoio ás súas reivindicacións laborais. En total son quince os poetas cuxas obras aparecen neste volume editado coa colaboración do sindicato maioritario na empresa, a Central Unitaria dos Traballadores. Quen lea o libro atopará nomes coñecidos como o de Darío Xohán Cabana, Chus Pato, Alberte Momán, Xabier Cordal ou a colaboradora de Culturagalega.org, Elvira Riveiro. Os traballadores de Castromil distribuirán o libro entre os viaxeiros do autobús.
Máis información en Galicia Hoxe
