O convenio coa Consellaría de Innovación asinado onte achegará á Universidade da Coruña 1,2 millóns de euros destinados a investigación. Máis concretamente, os cartos destinaranse á adquisición de equipamentos para Centros de Innovación Tecnolóxica e para proxectos de investigación de apoio ao sector naval e industrial e accións ambientais nos sectores petroquímico e alimentario. Pola súa banda, a Universidade de Santiago anunciou que vai aplicar baremos de calidade e de competencia aos setecentos grupos de investigación que posúe para organizar o apoio económico que lles destina. Entre outros criterios, valorará a capacidade para participar en proxectos internacionais do grupo e a experiencia investigadora.
Máis información sobre o convenio da UdC en El Ideal Gallego; sobre a proposta da USC en Galicia Hoxe
