A Real Academia Galega e o Instituto Cervantes exploran vías para difundir a lingua e a literatura galegas de xeito conxunto

César Antonio de Molina, o novo director do Instituto Cervantes visitou Galicia para reunirse con Xosé Ramón Barreiro, Presidente da Real Academia Galega, co obxectivo de explorar vías para aproveitar a rede internacional de centros do Instituto Cervantes para ofrecer cursos de lingua e literatura galegas, abrir espazos sobre o galego no portal do instituto ou facilitar a tradución de autores de referencia da nosa literatura. Molina tamén doará á Deputación da Coruña os 40.000 volumes da súa biblioteca persoal. O acordo tamén inclúe os manuscritos da súa obra e a correspondencia epistolar do autor con outros escritores. A colección estará custodiada na Biblioteca Provincial nunha sala específica que levará o nome do autor.

Máis información en La Opinión; entrevista a Molina en La Voz de Galicia