Novembro de 2002. O Prestige embarrancaba fronte as costas galegas abrindo tras de si un regueiro de fuel. Aquel accidente tivo un custe de 2.000 millóns de euros. Esa é a cantidade estimada por científicos internacionais e que se recolle na publicación bilingüe galego-inglés que presentou o Consello da Cultura Galega en Vigo. O informe titulado “Efectos económicos, sociais e ambientais das mareas negras do Prestige”, resultado das xornadas organizadas pola Institución no 2003, destacou que o armador, a súa empresa de seguros e o fondo colectivo so responderon por 200 millóns.
Máis información sobre a publicación no web do Consello da Cultura Galega e sobre o Prestige na nosa hemeroteca
