Carnota e Santiago acollen esta fin de semana dúas xornadas para analizar diferentes formas da cultura. Na localidade coruñesa desenvolveranse as V Xornadas Internacionais de Cultura Tradicional dedicadas á “literatura de tradición oral en Galicia” nas que participarán González Reboredo e Méndez Ferrín. A cita comeza o 18, o mesmo día que o Consello da Cultura Galega inaugura os IV Encontros de Cultura e Concellos. Unhas xornadas nas que diferentes expertos analizarán o novo contexto (desde o punto de vista social e tecnolóxico) no que traballan os técnicos de cultura dos concellos.
Máis información no web do Consello da Cultura Galega sobre as xornadas “Cultura e Concellos”
