O programa cultural Galicia nos Sentidos achegará 876 espectáculos a 299 concellos do noso país

O conselleiro de Cultura, Xesús Pérez Varela, presentou onte o programa Galicia nos Sentidos, que chegará este ano a 299 concellos e que conta cun orzamento de 1,4 millóns de euros. Até 876 espectáculos de música, danza e teatro repartiranse, segundo o conselleiro, por toda a xeografía galega, coa participación de catrocentas once agrupacións artísticas. Pérez Varela apuntou que a celebración do Xacobeo deu un grande impulso a este programa, que pretende favorecer o turismo interior no noso país.

Máis información en Galicia Hoxe e no web do programa