O novo director do Instituto Cervantes, o coruñés César Antonio Molina, anunciou onte na súa toma de posesión que esta institución “esforzarase en dar a coñecer a riqueza lingüística e as respectivas creacións culturais” que existen no Estado. Molina amosouse contrario a modificar os estatutos da entidade, ao considerar que teñen flexibilidade abonda para responder ás solicitudes que cheguen de academias da lingua, universidades e entidades culturais no sentido de defender as outras linguas oficiais do Estado. O director apuntou que “a partir de agora” o instituto “está aberto a apoiar cantas iniciativas propoñan” estas entidades.
Máis información en Galicia Hoxe e en La Voz de Galicia
