A Dirección Xeral de Patrimonio da Xunta de Galicia vén de declarar a zona na que están asentados os petroglifos de Campolameir Ben de Interese Cultural (BIC). Desde o Concello están desenvolverse as xestións necesarias para crear neste lugar un parque arqueolóxico que sería o primeiro deste tipo no país.
O BIC
A declaración coma Ben de Interese Cultural é o máximo rango con que se pode protexer un lugar ou evento. A declaración veu motivada pola grande cantidade de petroglifos existentes na zona, datados na Idade de Bronce. A área afectada por esta declaración supera as vintecatro hectáreas, e Patrimonio prevé que nela se realizen obras de acondicionamento e infraestructuras axeitadas para atender os turistas que se acheguen a esta poboación atraídos pola súa riqueza arqueolóxica.
Expropiacións
A creación do parque arqueolóxico, que xa leva cinco anos en estudio por parte do Concello, está a atopar atrancos pola necesidade de expropiar terras da Mancomunidade de Montes de Paredes entre outras fincas privadas. Os comuneiros de paredes están dispostos a ceder os seus terreos durante trinta anos, pero as institucións non se amosan dispostas a aceptar este acordo xa que, pasado ese tempo, os terreos e todas as obras que se realizasen neles voltarían a ser dos veciños. Desde a Dirección de Patrimonio sinalouse que se está a buscar unha solución definitiva a esta cuestión durante o presente mes para evitar que o proxecto se demore en demasía pola chegada das vacacións de verán e as eleccións de outubro.
