Carlos Quiroga, profesor de lingua galega da USC, foi o encargado da selección dos autores que representan á literatura galega ante os lectores de Mealibra. A revista editada polo Centro Cultural de Viana do Castelo dedica un dos seus números a debuxar o panorama contemporáneo da creación literaria en Galicia a través de vinteseis autores e os seus textos. Na súa selección Quiroga tentou ofrecer representación de todos os xéneros e de autores consagrados e outros menos coñecidos. Esta iniciativa da revista literaria interprétase como outro paso máis da literatura galega cara a conseguir lectores no país veciño.
Máis información en Galicia Hoxe