Hai 198 anos moría José Cornide, destacado estudioso que durante o século XVIII se dedicou ó estudio de disciplinas coma a Economía, a Historia, a Lingua, as Ciencias Naturais, a Xeografía e a Cartografía entre outras, valorando sempre Galicia nos seus traballos.
Desde a Ilustración
José Cornide naceu en 1734 na rúa das Damas da Coruña nunha familia fidalga. Desde a súa mocidade comezou a participar na vida cultural da cidade. A súa educación regrada desenvolveuse no Colexio San Francisco Xavier, daquela controlado polos xesuítas. Alí instruíuse en Filosofía, Teoloxía e Moral, sendo o resto da súa formación practicamente autodidacta. As súas investigacións centráronse maioritariamente en Galicia e foi un dos primeiros ilustrados que sinalaron a singularidade cultural de Galicia.
Cargos e obras
Entre os cargos de desempeñou na súa vida está o de rexedor da Coruña, fundador da Sociedade Económica de Santiago, fundador da Academia de Agricultura de Galicia e secretario perpetudo da Real Academia da Historia entre outros. Entre as súas obras destaca o "Ensayo para una historia de los peces y otras producciones marinas de la costa de Galicia" ou "Viaje desde Coruña a la corte". Ademais realizou numerosos mapas e poemas e un estudio sobre a Torre de Hércules que aínda hoxe ten vixencia.
O legado
O legado de Cornide chegou ata os nosos días na forma do Instituto José Cornide de Estudios Coruñeses, fundado en 1964 por un grupo de intelectuais da cidade e que se dedica ó estudio de diversas disciplinas. Desde esta entidade sinálase a figura de Cornide como "un dos ilustrados máis destacados de toda Galicia e de España". No Instituto teñen participados persoeiros tan importantes coma Salvador de Madariaga ou Víctor Seoane, que cederon o seu legado a esta institución.
