Xa está dispoñible na rede o Calendario de Festas Tradicionais Galegas de Culturagalega.gal para 2026. A ferramenta permite saber as datas de celebración de festividades como Entroido e das principais romarías con data variable que se celebran no país. Ademais, achega información específica tirada dos nosos contidos sobre celebracións tradicionais como a festa de Todos os Santos, o San Xoán ou o San Pedro.
Este contido, que se pode integrar nas axendas persoais mediante Google Calendar, está aberto á participación do noso público, que pode facer as súas suxestións e achegas a redaccion@consellodacultura.gal.
