Co novo ano, chega a actualización do Calendario de Festas Tradicionais de Culturagalega.gal. A ferramenta permite saber as datas de celebración do Entroido e de importantes romarías con data móbil como a da Virxe da Barca ou a da Nosa Señora da Lanzada. Ademais, achega información sobre celebracións tradicionais como a festa de Todos os Santos, o San Xoán ou o San Pedro, e pode integrarse nas axendas persoais mediante Google Calendar.
Se queres achegar algunha celebración que consideras que debería facer parte desta iniciativa, podes indicárnolo a redaccion@consellodacultura.gal
