A xornalista Raquel C. Pico fíxose por segunda vez co premio Reimóndez Portela coa reportaxe "Non estamos ben en internet!". O texto reflexiona sobre o "impacto da hiperconexión do mundo actual na saúde mental, no benestar emocional e a súa presión no mercado laboral", explicou o xurado, quen salientou que "introduce o paradoxo de que na era da información o principal perigo é a desinformación". Á 30ª edición do Reimóndez Portela de xornalismo presentáronse 21 textos e está dotado con mil euros. Raquel C. Pico xa obtivera o mesmo galardón no 2016.
Raquel Campos Pico gana por segunda vez o premio Reimóndez Portela
A reportaxe aborda o impacto da rede na saúde mental e no benestar emocional
