O xurado, no que estaba a anterior autora premiada e tamén galega, Chus Pato, xustificou a súa elección pola obra 'Con' por "ser un poemario que participa da conversa pública no que respecta ás posibilidades dos vínculos. A voz da autora traza con forza e orixinalidade o territorio do mutuo, ata darlle un excepcional sentido cósmico. O compás da obra céntrase nas dimensións da relación co outro. E faino desde unha intelixencia lingüística que pensa e conmove, mentres escribe, desde a nudez da conciencia e do corpo", estima o xurado. Ademais sinalou que a autora, con este traballo "conseguiu unha estrutura arquitectónica moi suxerinte, onde a sonoridade e o ritmo fan de 'Con' un excelente poemario que, sendo agudo conceptual, interpela e ispe todas e cada unha das nosas emocións".
O xurado estivo presidido por María José Gálvez Salvador, directora xeral do Libro, do Cómic e da Lectura do Ministerio de Cultura; e como vicepresidente Jesús González González, subdirector xeral de Promoción do Libro, a Lectura e as Letras Españolas. Como vocais Aurora Gloria Egido Martínez, pola Real Academia Española; María Helena González Fernández, pola Real Academia Galega; Francisco Javier Zubizarreta Dorronsoro, pola Euskaltzaindia; Sebastià Alzamora Martín, polo Institut d'Estudis Catalans; Josep Manuel Palomero Almela, pola Acadèmia Valenciana; Carmen María Pujante Segura, por la Conferencia de Reitores das Universidades Españolas (CRUE); María Ángeles Pérez López, pola Asociación Española de Críticos Literarios; Luis Fermín Moreno Álvarez, pola Federación de Asociaciones de Periodistas de España (FAPE); Esther Sánchez-Pardo González, polo Instituto de Investigaciones Feministas de la Universidad Complutense de Madrid; a xornalista galega Carolina Alba Castro Estévez (RNE), polo Ministerio de Cultura, e Chus Pato, autora galardoada na convocatoria anterior.
