O festival Abride a fiestra celebrará este domingo, 13 de xullo, unha nova edición na Casa Museo de Rosalía de Castro, en Padrón, nun ano no que se suma á homenaxe das Letras Galegas deste ano ás cantareiras e á cultura popular galega. Unha vintena de actividades terán lugar, durante once horas seguidas, e abrangue visitas guiadas, concertos, presentacións, coloquios, xogos tradicionais e actividades para todos os públicos, que terán a Rosalía como figura central. O cartel musical inclúe nomes como Gloria Pavía & Rafa Morales, De Ninghures, Paco Nogueiras e Canto dAqui. Nas charlas tomarán parte figuras do eido cultural como Mercedes Peón, Ana Fernández, Ana Romaní, Susana Aríns, Andrea Nunes e Berta Dávila.
