Nerea Pallares
A escritora lucense Nerea Pallares ganou o premio Lueiro Rey de xornalismo desta edición co artigo "Botar un conto". En palabras do xurado, o artigo "reflexiona sobre o pasado de comunicación persoal presencial e oral en relación co presente, coa modificación do noso xeito de vida polas novas tecnoloxías que nos rouban o máis prezado que é noso tempo", e destacou a "construción de expresións evocadoras e imaxes que nos levan aos espazos incluídos pola autora, a casa da aldea da avoa e o pequeno piso urbano da neta". Pallares obterá 1.000 euros polo artigo.
