Quiosco: A Trabe de Ouro 128

Está xa dispoñible por todo o país a entrega 128 de A Trabe de Ouro. A publicación de pensamento crítico presenta o número que corresponde ao primeiro cuadrimestre de 2025 con artigos sobre "Tempo, historia, nación" a cargo de Anselmo López Carreira, a análise Alegoría e novela (I) que asina Luis M. Fernández Rodríguez ou a revisión sobre Álvaro Cunqueiro e o antisartrismo en Galicia que fai Antón Capelán.

Outros contidos destacados son a primeira parte do repaso que Emilio Xosé Ínsua realiza sobre o músico Hixinio Cambeses Carrera e a conversa de Manuel Outeiriño con Antonio Gamoneda sobre "literatura e república: rexeitar o que nos empobrece". Canda a eles, Manuel Fernández Blanco asina "Sexo non é xénero" e Francisco Fernández Rei realiza unha semblanza sobre Bernardino Graña. Ildefonso Rodríguez, Miguel Anxo Seixas, Alebro Lema e Moncha Fuentes completan a nómina de colaboracións desta entrega.