Planificar as actuacións sobre lingua da universidade até o ano 2010. Este é o ambicioso obxectivo co que nace o Plan de Política Lingüística da Universidade de Vigo, que se presentou onte coa dupla intención de conseguir un maior emprego da nosa lingua nesta institución e de avanzar na inclusión doutras linguas na docencia. Mentres, a Universidade de Santiago anuncia a celebración, os vindeiros días dezaseis e dezasete de decembro dun seminario para a dinamización lingüística baixo o lema "Temos un plan". O programa deste evento comprende nocións básicas de sociolingüística e dinamización alén de explicacións sobre o traballo da USC neste campo.
Máis información sobre o Plan de Política Lingüística no Diario da Universidade de Vigo; sobre o seminario “Temos un plan” no xornal da USC
