Julia Becerra.
A vida de Julia Becerra Malvar (Salcedo (Pontevedra), 9/ 4/1892 - Madrid, 27/4/1974) é un retrato das clases altas do século XX en Europa. Esta aristócrata pontevedresa, coñecida como a 'condesa de Barrantes', foi "cantante na Scala de Milán, enfermeira na Segunda Guerra Mundial e anfitrioa do Pacto de Barrantes, considerado a orixe do primeiro Pacto de Autonomía de Galicia", segundo a define Maruxa Alfonso, quen preparou unha biografía de Becerra para o Álbum de Galicia, a partir dos datos biográficos recompilados por Xosé Lois Vila e publicados en Julia Becerra Malvar. El valor de una mujer. Notas para su biografía en colaboración con Benito Leiro. A familia de Julia Becerra posuía tres pazos na zona de Pontevedra e de feito agasalláronse co de Barrantes cando casou con Vicente Sagarriga, conde de Creixell. Moi vinculada ao galeguismo da época, o pazo acolleu o Pacto de Barrantes, considerado a orixe do primeiro Pacto de Autonomía de Galicia. Durante o golpe de Estado, Julia Becerra permanece en Madrid colaborando co Socorro Braco, unha organización clandestina para axudar a persoas de dereitas que ficaran atrapadas no Madrid republicano. Tras casar co director suízo da Cruz Vermella en 1942, foi enfermeira da Cruz Vermella na Segunda Guerra Mundial, atendendo os feridos de guerra en hospitais e campos de refuxiados. "O coche no que viaxaban as súas dúas fillas e dous dos seus netos sofre un terrible accidente, no que falecen os catro".
