Os festivais Atlántica e Sete Falares, canda ao colectivo Narración Oral Galega conmemoran este 20 de xaneiro o Día Internacional da Narración Oral. Con esta ocasión, os tres colectivos anuncian máis de cincuenta actuacións de profesionais desta arte que se desenvolven por todo o país ata o vindeiro 31 de marzo.
Estas actividades inclúen propostas de nomes coma Quico Cadaval, Sole Felloza, Paco Nogueiras, Cris de Caldas, María da Pontragha, Caxoto, Raquel Queizás, Cris Collazo, Paula Carballeira ou Celso Fernández Sanmartín, entre outros.
Canda a isto, a efeméride conta cun manifesto propio, que nesta ocasión elaborou Ana Rodríguez, membro de Leilía. O texto reivindica a transmisión da tradición oral que realizan as mulleres a conectar coa celebración do Día das Letras dedicado ás cantareiras.
