O auditorio Carmen Estévez de Vilalba acolle este sábado 15 de marzo ás 19.30 a presentación do documental Lévame a idea. Dirixido por Laura Varela, Iria Villares e Vanesa Siso, da cooperativa Navíos e Folerpas, o documental "reivindica cunha óptica feminista o papel fundamental das mulleres na preservación da poesía, o canto e a cultura popular de Galicia, piar esencial da nosa identidade colectiva". En Lévame a idea participa unha moi estensa nómina de cantareiras, docentes, divulgadoras, artistas e compiladoras ao redor da música popular e a canción tradicional. O documental dura 100 minutos e a entrada é de balde (previa reserva no web municipal).
