Dous debuxantes galegos están a exportar estes días o seu traballo fóra das nosas fronteiras. Por unha banda o caricaturista Gogue verá unha das súas creacións coma icona do film “Unwated fa” que está a finalizar a súa rodaxe en Estados Unidos. Trátase da figura dunha robusta muller feita con pasta de papel que o protagonista da película lle agasalla á súa dona para a torturar. Mentres, Xan López Domínguez foi o artista seleccionado para ilustrar o conto “O gato con botas” que acaba de publicar o grupo editorial Edebé en todo o Estado dentro da súa colección “Contos Tradicionais”.
Máis información sobre o proxecto de Gogue en Galicia Hoxe; sobre o traballo de Xan López Domínguez en La Voz de Galicia
