A Deputación da Coruña organiza as xornadas "Traducir a tradición" do 19 ao 21 de marzo de 2025 na Fundación SGAE - Parque de Vista Alegre en Santiago de Compostela. Comisariadas polo proxecto "O que non se escribe", estas xornadas buscan establecer un protocolo de boas prácticas legais, éticas e de xestión para o tratamento dos arquivos e das persoas implicadas neles. O obxectivo é integrar o patrimonio oral e os saberes comunais na creación musical contemporánea, abordando cuestións de propiedade, recoñecemento e xestión emocional no contexto actual da música tradicional. No programa participan etnomusicólogos, antropólogos, avogados, compiladores, músicos ou editores.
