Un dos informantes. Fondo Schubarth-Santamarina. APOI / Museo do Pobo Galego
A profesora Carme Hermida editou no último número dos Cadernos de Lingua da Real Academia Galega os contos de tradción oral recollidos por Dorothé Schubarth durante o proceso de gravación do Cancioneiro Popular Galego. Trátase do material transcrito e investigado desde o punto de vista lingüístico dun conxunto de relatos recollidos en cinco cintas casete a veciños de Lousada (Pedrafita do Cebeiro), Callobre (A Estrada), Cuntis e Dumbría. Os contos abordan numerosas historias humorísticas sobre canteiros, xastres, curas, proxenitores, animais e doutras temáticas. Algúns dele, como Manuel, de 85 anos, teñen a "prestancia narrativa dun fistor". Schubarth encargáralle a Carme Hermida a transcrición e edición destas vintedúas historias, recollidas nos descansos das sesións de canto.
