Lupe Gómez faise co premio Ardeiro co poemario 'A pintora'

A poeta Lupe Gómez fíxose coa décimo terceira edición do certame de poesía Xosé M. López "Ardeiro", que convoca o concello de Negreira coa colaboración da Xunta. Lupe Gómez presentou o poemario 'A pintora', co que se fixo cos 2500 euros de dotación económica, canda a edición do propio poemario. Silvia Tasende foi finalista coa obra "Pel memoria", coa que obtivo un premio de 500 euros. O xurado estivo presidido por Xosé Antonio Ponte Far.