A revista Mazarelos presenta un novo número no que aborda, como é habitual na revista, artigos de especialistas novos ao redor das súas liñas de investigación. Deste xeito, María Chantada aborda os usos e preitos dos montes galegos, as cruces procesionais de madeira do Corgo da man de Adrián Flores ou Uxía Martínez trata o movemento veciñal na Transición. O número tamén inclúe unha conversa con Irene García Losquiño e José Carlos Sánchez Pardo ao redor das conexións viquingas no Atlántico. A Asociación Galega de Deseño é protagonista dunha reflexión sobre a evolución e os retos do deseño en Galicia.
