Falece o poeta e xornalista Manuel Vidal Villaverde

Este sábado 19 de outubro falecía na súa cidade natal Manuel Vidal Villaverde, aos 78 anos de idade. O poeta e xornalista vigués colaborou ao longo da súa carreira con xornais como El Progreso, Faro de Vigo ou Atlántico diario canda a revistas como Man Común, Grial, A Trabe de Ouro ou Cadernos para o diálogo entre outras.

Entre as súas obras máis coñecidas atópanse Luceiros fuxidíos (1994), A sombra do inimigo (1998) ou o ensaio Contra o tempo (2003). O autor foi enterrado este luns 21 no Cemiterio de Pereiró.

A Asociación de Escritoras/es en Lingua Galega, da que era membro, amosou o seu pesar polo pasamento de quen participou activamente en múltiples actividades da entidade.