Na Asemblea Xeral da Asociación de Editoriais Universitarias Españolas celebrada en Granada do 13 ao 15 de novembro pasados ampliouse o número de socios dando entrada á Universidade da Coruña, a única das universidades galegas que aínda non formaba parte da AEUE. Os obxectivos deste colectivo son a promoción e colaboración no eido das publicacións universitarias, facilitando a súa distribución e difusión, mesmo a niveis internacionais. Na asemblea tamén se decidiu a colaboración con empresarios arxentinos para a apertura dunha librería especializada en publicacións universitarias no centro de Bos Aires. O fondo editorial que manexa esta asociación supera os 25.000 títulos.
Máis información no Duvi
