O Museo Reina Sofía dedícalle ao esperpento unha exposición con sabor galego

O madrileño Museo Reina Sofía de arte contemporánea abría este 9 de outubro Esperpento. Arte popular y revolución estética. A exposición, dedicada ao que define como "un núcleo de pensamento estético susceptible de ofrecer unha nova perspectiva para entender la realidade", conta cun importante sabor galego. A seguir o traballo de Valle-Inclán, creador desta perspectiva, o proxecto recolle obras de Castelao, Laxeiro Arturo Baltar ou Maruja Mallo.

Canda a estes, destacan no conxunto dez traballos do pintor Conde Corbal realizados a partir da obra de Valle-Inclán. Ademais dos proxectos artísticos, tamén se amosan pezas de entroidos tradicionais do noso país ou varias das marionetas orixinais que a familia Silvent empregaba no espectáculo Barriga Verde.

Segundo apunta a presentación do proxecto, o esperpento "formulado polo escritor Ramón María del Valle-Inclán (1866-1936) como ferramenta de cuestionamento crítico, en reacción ao atraso e á desesperanza moral que asolaba España no primeiro terzo do século XX" esta perspectiva "confrontou o encorsetamento social, político e cultural do país, insistindo no distanciamiento da ollada e nunha serie de estratexias estéticas que despregaron a súa máxima eficiencia na deformación". O vigués Germán Labrador é un dos comisarios deste proxecto que se poderá ver ata o vindeiro 10 de marzo.