O fallo do xurado salienta de Sunny 16 "o xeito no que reflexiona sobre como a fotografÃa constrúe á vez que obstrúe o recordo". Segundo o comité "trátase dun fanzine coidado tanto pola proposta estética como polo acabado e a edición" que conta como elemento diferencial "a forma na que conviven a fotografÃa e o debuxo e o poder evocador que resulta desta interacción".
No fallo tamén se tivo en conta a traxectoria do autor, que leva anos a traballar con este tipo de formatos e vinculado á autoedición.
O xurado, que estivo composto por MarÃa Gil, historiadora da arte e investigadora; Brais RodrÃguez, ilustrador e profesor; e Toño Vilaverde, libreiro especializado, decidiu outorgarlle un accésit con diploma a Gemma Pérez, pola súa obra Mi nick era #humeda. O fallo apunta que este proxecto "destaca polo seu uso do deseño gráfico, a súa edición coidada, a narrativa e o compromiso social abordado desde a vivencia persoal e o sentido do humor". Segundo resumen, a publicación "É o inicio á sexualidade dunha nena que logo se transforma".
Ademais, houbo mencións a Macheta 7 da Asociación ArtÃstico-cultural Huhú e a Asociación Teixo, a Asà somos de Raquel Montero e a sólo una vez más, de Aisha Rey. Todas as obras presentadas a concurso poderán verse e lerse na Expofanzines que acollerá o festival Viñetas desde o Atlántico 2024 no Palexco da Coruña do 12 de agosto ao 30 de setembro e incorporaranse á sección de fanzines da Biblioteca de Estudos Locais da Coruña.
A coincidir con este evento, Autobán celebra entre os dÃas 16 e 17 de agosto a súa vindeira edición no Circo de Artesáns e na Praza de San Andrés da Coruña. Un mercado de autoedición con máis de 80 proxectos, presentacións multimedia dunha vintena de propostas neste campo e o tradicional combate de debuxantes, que enfrontará a creatividade de oito autoras e autores compoñen o programa.