Cangas celebra vinte edicións do seu Salón do Cómic

O Salón do Cómic e da Ilustración de Cangas fai vinte anos este mes de xullo. Entre os días 13 e 20, o Auditorio municipal acolle as actividades dunha edición que conta con María Brenn, Miguel Robledo, Cristian Robles e Grabriel H. Walta como principais nomes convidados. Entre as novidades desta xeira, a vila inaugurará un Paseo da Fama a homenaxear as autores e autores convidados en todas as edicións do evento.

Canda a estes, visitarán tamén o Salón Leandro Barea, Víctor Rivas, Jorge Campos, Alicia Blanco, @Vai_dibuja e Sarai Lorenzo, que participarán no mercadiño de BD e ilustración. Haberá tamén postos de editoras como Demo e de librarías como Wells ou Quenlla, que acollerán sesións de sinaturas a cargo de Bea Gregores, Lucía Cid, Xavier Alcalá, Manel Cráneo e Ángela Curro, Adamantik, Law e Fon.

Proxeccións de filmes como Momias, Robot Dreams, El Monstruo Marino ou Spiderman: Across The Spider-Verse, obradoiros de creación de BD e de introdución á cultura xaponesa ou un concurso de cosplay fan tamén parte do programa.