![](imaxes/edicion/praza_libros_carballo_2024.jpg)
A estes súmase a presenza de Alfonso Xabier Canosa, Paula Cousillas, Miguel Anxo Fernán Vello, María Reimóndez, Xan Fernández Carrera, Lola Rontano, Rober Cagiao, Luís García Soto e as premios nacionais Yolanda Castaño e Paula Carballeira. Ademais, desenvolveranse concertos de Golfiños, Paco Nogueiras, Sonsoles Penadique e de Cé Orquestra Pantasma.
Como novidade nesta xeira, o programa inclúe o Espazo Facal, unha nova sección con vocación de continuidade. Dedicada a este artista carballés falecido o pasado mes de abril, acollerá unha mostra de libros, ferramentas e imaxes do creador a xeito de homenaxe. Ademais, o espazo acollerá obradoiros de conto ilustrado e de escultura e unha conversa entre Cesáreo Sánchez Iglesias e Miguel Anxo Fernán Vello, grandes amigos do creador, arredor da súa figura.
Para alén de literatura, haberá agasallos gastronómicos para quen adquira libros nos postos do evento, que estarán á venda cun desconto do 10%. O día 11 serán latas de atún e o 14 un molete de pan os alimentos que acompañen as compras.
As librarías locais Brañas Verdes, Trasgo, Teldy, Clarión, Espiral Maior Foro e a debutante Espazo Lector Nobel, estarán acompañadas da compostelá A gata tola, e mais de Á lus do candil, de Arteixo, nos postos de venda.