Segundo recollen as bases, o premio nace "co obxectivo de promover a filosofía do Hematocrítico, que consistía en entender a vida a través da xenerosidade, a empatía e o humor" e está aberto ata o vindeiro 1 de outubro a "obras de humor orixinais e inéditas en calquera lingua oficial do Estado español en formato álbum ilustrado infantil".
Este premio bota a andar en colaboración co Hematofesti, un encontro que se vai celebrar en Vigo durante a primeira quincena de novembro a homenaxear ao comunicador e autor de literatura infantil e xuvenil. A escritora Ledicia Costas daba a coñecer este 21 de xuño o proxecto deste festival, do que aínda se descoñece o programa.
