Vigo seleccionou oito proxectos expositivos para a Casa das Artes e a Casa da Cultura

O Concello de Vigo deu a coñecer 17 de xuño os oito proxectos expositivos que conformarán a programación da Casa das Artes e da Casa Galega da Cultura ata o final de 2025. As propostas foron escolleitas a partir dunha convocatoria aberta entre 55 que se presentaron ao certame. O alcalde Abel Caballero destacou a "alta participación e a calidade" das iniciativas presentadas, que cualificou como "de altísimo nivel".

Segundo destacou a selección achega "unha suxestiva e actualizada panorámica da arte contemporánea". As primeiras propostas que se poderán ver serán, xa no segundo semestre de 2024, a mostra Todos os refuxios, proposta por Sandra Muñiz, na Casa das Artes e, Un bosque de malas herbas de Antía Iglesias Fernández para a Casa Galega da Cultura.

Ao longo de 2025, a Casa das artes acollerá Francisco Torrón Durán (1934-2020). Entre el paisaje, el bodegón y el retrato, presentado por Pablo Torrón Pelluz, No fui. Sobre el ser y el estar de una mujer artista, de Pilar Pérez Fernández e mais Pulsos e solastalxias (do monte galego) de Rosa María Fernández Caamaño.

Pola súa banda, na Casa Galega da Cultura poderá verse El estandarte de los vencidos de Telmo Meana Blanco, Esconder la perla, mostrar un hombro, presentado por María del Mar Ramón Soriano e Umbrales acuosos da ría de Vigo, de Carlos Fernández López. O programa deste centro queren apoiar o traballo de artistas emerxentes, de ata 35 anos, que traballen no noso país.