Un tractor dana a ábisde da capela de Santa Cristina de Berdoias

O choque dun tractor provocou o derrubamento parcial de parte da ábside da capela de Santa Cristina, un pequeno templo rural do lugar de Santa Cristiña (Berdoias, Vimianzo). A capela ten orixes medievais e está vinculada a rituais curativos de prosperidade agrícola e de coidado do gando montesío como parte dun espazo de gran valor etnográfico que inclúe un curro para os cabalos do monte. O impacto do tractor bateu na cabeceira da igrexa e derrubou pedras de sillería de gran tamaño, e desprazou algunhas outras con risco de derrubo. O tractor xa foi identificado pola polícia local de Vimianzo e sera o seguro da máquina o que ten que se facer cargo das reparacións. Unha particularidade da capela de Berdoias é a existencia dun receptáculo no interior, ao pé do altar, con terra empregada para a curación do gando ou a beizón das terras.