Aparece unha cetárea romana e os restos da porta litoral do castro de Alobre

O castro de Alobre (Vilagarcía de Arousa) é un dos xacementos máis destacados do Salnés, e testemuña dunha intensa ocupación desde o século IV d.C. ata a fin do Imperio Romano. As diferentes campañas levadas a cabo durante a década dos 2000 amosaron a existencia de áreas fabrís e residencias de diferentes momentos. Desta volta, as escavacións preceptivas que se están a facer no entorno do castro co motivo da construción dun supermercado Mercadona desvelaron a porta exterior de acceso ao castro que daba para o mar, así como os restos dunha "cetárea" de época romana, segundo informa La Voz de Galicia. Aínda que non hai fotos dos achados, a intervención de A Citania Arqueoloxía amosa que a factoría romana e o acceso ao recinto castrexo están moi próximos entre si. En declaracións a La Voz de Galicia, Mercadona que a decisión sobre os achados, que non afectan á superficie estricta do supermercado, deberán ser tomados pola Dirección Xeral de Patrimonio. Por parte do concello de Vilagarcía, hai conversas para estudar as opcións de conservación e posta en valor dos achados.