Rosa Sánchez e Pablo Carpintero farán soar as gaitas máis antigas que se conservan

Un percorrido pola historia das gaitas a través de instrumentos que pasaron de man en man en diferentes familias ou que se conservan no Museo de Pontevedra. Esta é a proposta que desenvolven Rosa Sánchez e Pablo Carpintero este 16 de febreiro a partir 19 horas no Edificio Castelao do centro pontevedrés.

No encontro, este dúo de investigadores explicarán o proceso de datación que lles permitiu situar cronoloxicamente estas pezas ata o punto de localizar algunhas construídas na Idade media.

Ademais, darán detalles sobre o xeito no que se tocaban e se construían, e o público poderá ver as ferramentas para a fabricación de gaitas que utilizaba o artesán Manuel Villanueva, conservadas no Museo.

As explicación acompañaranse de interpretacións nestes instrumentos, algúns deles considerados dos máis antigos do mundo, e entre os que se inclúe un punteiro empregado por Perfecto Feijóo.