A Orquestra e coro GAOS estrea mañá mércores 13 de decembro no Teatro Colón da Coruña a ópera infantil OCA, de Gloria Rico e Juan Durán. Tomando o popular xogo da oca como inspiración esta peza interpretada por nenos do Coro MiniGaos conta con texto de Rico e coa composición musical do mestre Durán. Fernando Briones leva a dirección musical. Cunha duración de aproximadamente unha hora, esta obra preséntase como unha viaxe iniciática a través de diferentes episodios da vida, desde o comezo do xogo ata a chegada ao xardÃn, no que o obxectivo é sempre avanzar. Esta estrutura correspóndese musicalmente cun prólogo, sete cadros e un epÃlogo, entre os cales media a narración dunha actriz.
Amigos da Ópera da Coruña propúxose como obxectivo a difusión e promoción dos compositores galegos, especialmente de aqueles que se achegaron ao xénero vocal a través da ópera ou da canción formal. Nesta ocasión, dentro desta edición do festival de Ópera da Coruña a aposta é pola obra de Juan Durán, que aborda un aspecto pouco tratado no xénero lÃrico: o material especificamente creado para un público infantil. Pero o máis interesante é que a súa execución artÃstica tamén está pensada para intérpretes infantÃs, o que a converte nunha obra perfecta para gozar en familia.
