A TVG estrea o programa de literatura 'As mil e unha páxinas'

Pouco despois da medianoite deste xoves a TVG estreará, a través da súa segunda canle TVG2 o programa 'As mil e unha páxinas' , un formato co que pretende animar á lectura, pero que tamén promoverá as últimas creacións de autores galegos noveis e dará a coñecer o tecido editorial do país. A escritora Elba Pedrosa presentará este espazo enmarcado dentro da 'Noite da Cultura' que estrease abordando o xénero da novela negra. O homenaxeado será o escritor Domingo Villar. Os espectadores máis noctámbulos coñecerán os autores, editores e grandes referentes do xénero en Galicia. Tamén haberá recomendacións de títulos para que o público descubra as novidades e algunha ópera prima da novela negra galega.