Pazo de Lourizán. Fonte: Turgalicia.
A Xunta de Galicia converterá o Pazo de Lourizán na sede do Arquivo Histórico de Montes de Galicia. Este novo espazo pretende "recuperar, centralizar e conservar toda a documentación e información existente sobre o monte galego ao longo do tempo". O material integrarase na biblioteca forestal galega "e complementarase coa recuperación e exposición dos valiosos herbolario e bichario dos que dispón o centro, así coma un extenso mostrario de seccións de troncos de árbores", segundo informa a Xunta.
Este novo uso do complexo histórico sumarase aos xa existentes de investigación e formación coa idea de crear "un gran polo de estudo e investigación multisectorial de carácter público-privado" arredor do sector forestal coa participación de empresas e universidades.
Nesa liña, o Goberno Galego prevé o desenvolvemento dun programa ampliado de divulgación e unha potenciación do uso turístico do parque que rodea o pazo. Como primeiro paso neste sentido, anunciou a próxima organización de visitas guiadas ao complexo.
O Consello da Xunta aprobaba este 14 de setembro as bases que rexerán o concurso de ideas para a rehabilitación arquitectónica da finca, que se prevé licitar este mesmo mes. A partir das propostas que se presenten escolleranse oito finalistas e entre estas a que definirá a restauración e posta en valor destes edificios.
O Pazo, que conta cunha superficie de 46,55 hectáreas, adquiriu a súa conformación actual da man do político Eugenio Montero Ríos no século XIX, que fixo del a súa residencia de verán e acondicionou os xardíns.
A Xunta anunciou no verán de 2023 un investimento de case 18 millóns de euros para recuperar estes espazos logo de que o Tribunal Superior de Xustiza ditaminase que era a súa responsabilidade correr coas tarefas de conservación. O pazo ten na actualidade en tramitación o expediente para ser declarado Ben de Interese Cultural.
Nesa liña, o Goberno Galego prevé o desenvolvemento dun programa ampliado de divulgación e unha potenciación do uso turístico do parque que rodea o pazo. Como primeiro paso neste sentido, anunciou a próxima organización de visitas guiadas ao complexo.
O Consello da Xunta aprobaba este 14 de setembro as bases que rexerán o concurso de ideas para a rehabilitación arquitectónica da finca, que se prevé licitar este mesmo mes. A partir das propostas que se presenten escolleranse oito finalistas e entre estas a que definirá a restauración e posta en valor destes edificios.
O Pazo, que conta cunha superficie de 46,55 hectáreas, adquiriu a súa conformación actual da man do político Eugenio Montero Ríos no século XIX, que fixo del a súa residencia de verán e acondicionou os xardíns.
A Xunta anunciou no verán de 2023 un investimento de case 18 millóns de euros para recuperar estes espazos logo de que o Tribunal Superior de Xustiza ditaminase que era a súa responsabilidade correr coas tarefas de conservación. O pazo ten na actualidade en tramitación o expediente para ser declarado Ben de Interese Cultural.
